Suportado sang Department of Education ukon DepEd Region VI ang hagna nga naga-require sang basic Reserve Officers’ Training Corps ukon ROTC sa mga estudyante sa junior kag senior high school.
Suno kay Dr. Victor De Gracia, assistant regional director sang DepEd 6, nga handa ang talatapan nga suportahan ang Mandatory ROTC training sa mga bumulutho sa Grade 11 kag Grade 12 pananglitan nga mangin kasuguan na ini.
Nagapati si Dr. De Gracia nga pinaagi sa ROTC, matudluan sang husto nga desiplina kag pamatasan ang mga estudyante.
Nahibaluan nga naaprubahan na sa House of Representatives sang Pebrero 6 ang House Bill No. 8961 nga nagamando sang basic ROTC program bilang graduation requirement sa mga estudyante sa junior kag senior high school sa tanan nga public kag private schools sa pungsod.
Wala sapayan nga himuon nga bmandatory ang ROTC, gin-athag ni De Gracia nga exempted ang mga estudyante nga physically kag psychologically unfit. Sa baylo, sarang sila maka-avail sang community service.
