Davao City – Dili lamang himoon ngadto sa tanang empleyado og dili usab himoong mandatory ang RT-PCR test o swab test sa mga trabahante ilabi na nga nagkalisud karon ang business sector tungod sa dautang epekto sa COVID-19 pandemic.
Sumala ni Arthur Milan, Davao City Chamber of Commerce and Industry Inc., (DCCCII) former president, dili tanang sektor sa mga mamumuo nag-report karon sanglit kasagaran nag-‘work from home’ mode na man gumikan sa peligrong dala sa maong balatian.
Matud ni Milan, mas maayong i-require kadto lamang aktwal nga naga-report physically sa ilang tagsa-tagsa ka mga buhatan.
Gipasabot usab ni Milan nga kung i-swab test, kadto lamang adunay mga simptomas sama sa ubo o kalentura ug nga kadtong walay gibati o asymptomatic, mas maayong dili na lamang usa ilakip sa nasangpit nga COVID tests.
RadyoMaN Bernard Pantallon
