Kini ang reaksyon ni Reynaldo Pardillo, magtutudlo sa Sta. Ana National High School sa Davao City. Kini human nga giduso ang House Bill 7476 o Drowning Prevention Act nga magtudlo alang sa water safety ug safe rescue skills ilabi na sa mga kabataan.
Gipasabot ni Pardillo nga nagatudlo usab og Physical Education (PE) kaniadto, nga dako og tabang ang swimming skill ilabi na sa mga sitwasyon nga kini gikinahanglan.
Apan, hagit kini sa gobyerno nga mahatagan og budget alang sa mga pasilidad nga gamiton partikular sa pampublikong eskwelahan.
“One of these days, we will integrate that particular plan nga unta naa tay ginatawag nga swimming lesson. Pero ang problema lagi namo sa public school, ang facility,” segun ni Pardillo.
Nasayrang muabot sa 72 ka mga drowning incidents ang natala sa kapulisan niadtong bakasyon atol sa Semana Santa.
RadyoMaN Kirby Manzon
