Mandu ni Presidente Duterte nga mangin madasig sa emplementasyon sang kasuguan sa mga tambay, madugay na nga ginapatuman suno kay PNP Chief Albayalde

Wala sang bag-o sa mando ni Pres. Rodrigo Duterte nga mangin madasig sa emplementasyon sang kasuguan sa mga tambays ukon istambay.

Suno kay PNP Chief Oscar Albayalde, madugay na niya ini nga ginapatuman sa NCRPO sang siya pa ang director.

Ini ang paathag ni Albayalde kasunod sang kritisismo nga nabaton sang pahayag sang presidente nga mangin istrikto ang otoridad sa mga estambay.

Nahibaluan nga ginakabig sang mga kritiko sang administrasyon nga kaangay lang sang martial law ang mando ni Duterte.

(photo from web)