Mangacop’s lawyer: Pamilya dako ang pagsalig sa NBI sa patas ug matinud-anong imbestigasyon

Davao City – Gisugdan na sa National Bureau of Investigation XI ang ilahang parallel investigation sa pagpusil patay sa 19 anyos nga si Amierkhan Mangacop subay sa order sa City Prosecutor’s Office.

Sumala ni Atty. Gibb Andrew Cabahug, ni-request ang pamilyang Mangacop sa pagbalhin sa imbestigasyon ngadto na sa National Bureau of Investigation sa rason nga dili nila masaligan ang kapulisan sa patas nga imbestigasyon.

“We really believe with the competence and expertise of the NBI that they can come up with the expected thorough and truthful investigation,” segun niini.

Gibutyag ni Ely Leano, NBI XI spokesperson magpahigayon sila’g reenactment sa insidente karong Lunes base sa mga pamahayag sa mga saksi

Matud ni Leano, mupahigayon sila’g lalom nga imbestigasyon sa insidente ug paniguraduhong matunol ang hustisya.

Paningkamutan sa NBI XI nga sulod sa 10 ka adlaw masumite nila sa piskalya ang resulta sa ilahang gipahigayong parallel investigation.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>