Padayon pa karon nga nagpaalim sa samad tinigbasan ang usa ka mag-uuma human kini gitigbas sa iyang magulang nga lalaki tungod sa lalis nga misangpot sa pagpanigbas.
Ang biktima mao si Jose Dimagnaong Quezon, 64 anyos kinsa gitigbas sa iyang magulang nga si Marcelo D. Quezon 66 anyos pulos kini residente sa brgy. Timan, lungsod sa Liloy ning probinsya sa Zamboanga del sur.
Sa gihimong pag imbistiga sa kapulisan nasayran nga ang managsuon nagkalalis kini tungod sa ilang kabtangan nga mao ang mga tanom nga kawayan nahimutang sa nahisgutan nga lugar sa unahan.
Matod pa sa biktima nga iyang gi sultihan ang iyang magulang nga undangon na ang pagkuha ug sigeg pamutol sa mga kawayan, apan imbis nga mo undang, nasuko paman hinuon kini ug gitigbas ang iyang manghod gamit ang mahait nga sundang maayong pagka laplap sa walang bahin sa tuhod sa biktima nga kung diin dali kining gidala sa balay tambalanan.
Human sa hitabo boluntaryong mitahan ngadto sa kapulisan ang magulang ni Jose nga si Marcelo alang sa tukmang disposasyon.
Ang biktima nga si Jose wala nalang mipasaka ug kaso batok sa iyang igsuon nga mitigbas human nagkasabot ang duruha nga mag amicable settlement sila naghimo nalang ug affidavit nga tanggong karon sa buhatan sa PNP liloy kun engkaso mobuhat pa pagbalik sa pagpanigbas ang igsuon niini.
