Davao City – Midangop sa DXDC RMN Davao ang manghod sa usa ka Oversees Filipino Worker nga anaa sa nasod nga Jordan aron mangayo og tabang kay ang iyang magulang dili maayo ang kahimtang sa Middle East.
Nagkanayon si Analiza Asan, nagpuyo sa Talaingod, Davao Del Norte nga ang iyang maguwang nga si Leah Mangcogit naglisud ang kahimtang sa pagpanarbaho isip OFW sa nasod Jordan gumikan kay nakasinati ug balatian.
Gibutyag ni Analiza nga gisugo siya sa iyang maguwang nga mangayo og tabang sa DXDC aron mapangitaan og paagi nga makapauli sa mas daling panahon ang iyang igsuon nga si Leah nga OFW.
Giubanan sa DXDC Public service team si Analiza sa Department of Migrant Worker XI ug gisubay gilayon ang kaso ni Leah Mangcogit ingun man ang placement agency sa OFW nga nagpadala kaniya sa nasod.
RadyoMaN Erin Lumosbog
Facebook Comments
