Sa interview sa DXDC RMN Davao sa Laak Municipal Police Station (MPS), nasayrang hubog ang suspect niadtong tungora ug tungod giingong yawyawan ang manghud, nasumbagan kini ug naparok ang ulo hinungdan sa iyang kamatayon.
Matud pa nga wala na gisuwayan pa og dala sa pamilya ang biktima sa balay tambalanan tungod gituohang aduna na kini sakit daan.
Giklaro usab sa Laak MPS nga walay kamatuoran kadtong balita nga gihapak pa una og towel sa biktima ang nawong sa natulog nga igsuon maong nasuko kini ug nangulata.
Ug sa ilahang pagpanubay sa pinuy-anan sa magsuon, mismong ang mga silingan na ang niingon nga awayon na daan ang duha.
Wala na gihinganlan pa sa otoridad ang magsuon tungod kasamtangan pa kining ginalihok ug ginasulbad sa Brgy. Doña Josefa.
