Mangingilad na 23 anyos sikop sa entrapment operation

32

Pasang-atan matod pa karong adlawa og large scale estafa sa Criminal Investigation and Detection Unit 12 ang 23 anyos nga lalaking suspek sa pagpangilad pinaagi sa entrapment operation.

Giila ni SPO1 Pablo Jugos sa CIDU 12 Special Operating Team ang suspek sa pangalang Richard Roda nga taga-Balabagan Lanao del Sur na may kapin 40 ka mga tawong nailad sa iyang modus operandi.


Gidugang ni SPO1 Jugos nga giangkon sa suspek nga niabot og 100 ka mga motorsiklo ang nasibat niini human nga nagpa-ilang konektado sa usa ka insurance agency ang suspek nga si Roda.

Una nang midangop kaniadtong Agusto 2 ning tuiga ang usa sa mga reklamante sa suspek ngadto sa CIDU 12 aron sa pagpangayog tabang nga nabiktima sila sa modus ni Roda og sa posibilidad nga mabalik ang motorsiklo nga gisibat sa suspek.

Gahapong adlawa sa mismong buhatan sa CIDU 12 sa Camp Fermin Lira gidagsa sa mga biktima ni Roda human nasayran nga nadakpan kini pinaagi sa entrapment operation.

Sa karon tak-om ang suspek sa asunto nga iyang giatubang samtang pasakaan sa CIDU 12 og kasong large scale estafa si Roda.
*For more info’s and updates, like and share our official facebook account : www.facebook.com/ifm91.9Gensanofficial/ www.facebook.com/ifm91.9Gensanofficial/>*

Facebook Comments

From Advertisers