Mangingisda dakpan didto sa Leon B.Postigo

24

Dakpan ang 7 ka mga indibidwal nga sakay sa Commercial Fishing Boats human kini nasapon sa mga pulis ug bantay dagat didto sa Bagobongan, Leon B. Postigo.

Giila ang nadakpan nga si Marjun Borongan kapitan sa maong sakayan taga Bantayan, Sindangan, ZDN, uban niya ang 6 ka trabahante nga sila si James Dela Cruz, 20 anyos Taga Pob. Salug; Stevenzahn Ramos, 20; Jeoffrey Borongan, 19; Kevin jay Cabilin, 19; Eduardo Ramos Jr. 19; Dominador Lagarnia III, 19; ug Bernabe Taping, 24 anyos pulos kini residente sa lungsod sa Sindangan.


Matod pa sa mga otoridad nga illegal ang ilang pagpadagat sa mao nga lugar gamit ang Kubkuban ug nakalapas sa Municipal Fishery Code no. 6-2 sa Art X Section 2.

Gipangkumpiska ang ilang mga gamit pangisda lakip na ang 40kls nga kuha ug gidala sa buhatan sa pulis aron pamamtangan sa tukmang silot.

*Samtang sa laing bahin daling *nagpatabang ang kapitan sa barangay Ipilan, sakop sa lungsod sa Salug nga si Marjorie Dawis human adunay usa ka hubog ang misulay ug bangga sa signage sa checkpoint nga gimontar sa mga opisyal isip pagsunod sa quarantine checkpoint.

Nasuko matod pa si Ricky Lapiz human giharang sa checkpoint, didto hapit na banggaan ang usa ka tanod maayo nalang nga nakalikay kini.

Daling mipatoratoy ang malapason sa balaod padulong sa ilang panimalay hinungdan nga gisundan sa mga pulis ug gidakop.




Lauman nga mapasaka na ang kaso batok sa mao nga indibidwal.

Facebook Comments