Usa ka pagpamusil ang nahitabo didto sa may Sitio Alingasa, brgy. Latabon, lungsod sa Siocon mga alas 4:40PM niadtong nakalabayng adlaw.
Naila ang biktima nga si Jerry Mastol Amsali, 32 anyos, usa ka mangingisda, residente sa Brgy. Doña Cecilia, lungsod sa Sirawai.
Matod pa, ang biktima nagmaneho kini sa iyang single motor Honda XRM kolor pula, walay plaka. Paghidangat niini sa lugar nahitaboan, gipusil ang biktima sa makadaghan nga higayon.
Dali pa kining gidala sa balay tambalanan apan gideklara kining dead on arrival sa attending physician nga si Dr. Mary Therese Acevedo.
Nakuha sa lugar nahitaboan ang upat ka basyo sa kalibre 45 ug mga personal nga gamit sa biktima. Samtang ang suspek dali nga miikyas saw ala matino nga direksyon.
Padayon pa karon ang imbistigasyon sa kapulisan sa Siocon kung unsay nagpaluyong motibo sa maong pagpamusil.
