Mangingisda gipusil sulod sa barangay hall

55

Patay sulod sa Barangay Hall ang mangingisda didto sa Brgy. Lintangan, Sibugo, ZDN sa miaging gabie.

Ang biktima mao si Albin Asas, 29 anyos taga Purok 7, sakop sa mao nga barangay.


Butyag pa sa mga nakasaksi, ang biktima anaa sulod sa brgy.hall sa dihang kalit nga gipusil sa wala mailang armado.

Naka angkon ug 3 ka samad pinusilan ang biktima gamit ang 9mm ngaarmas, hinungdan sa iyang wala damhang kamatayon.

Blangko pa ang karon ang mga pulis sa Sibuco kun si kinsa ang mga responsable sa pagpusil.

Sa lungsod sa Polanco, gisugat ug posas sa mga pulis si Noel Palalon, human napalitan ug droagang shabu didto sa may Brgy. Pob. North.




7 ka pakete nga adunay sulod nga gituohang shabu ang nakuha sa iyang posisyon lakip na ang 500 nga mark money.

Samtang sa lungsod sa Siocon nahimo ug buy-bust operation ang mga pulis sa pagpanguna ni PMaj Edison Alviar didto sa Sitio Pantukan, Brgy. Pob.

Giila ang naaresto nga si Boyet Delima, alyas mitch usa ka beautician taga Blue Homes Subdivision, Brgy. Sta. Maria, Zamboanga City ug temporaryong nagpuyo sa lungsod sa Siocon.

4 ka pakete ang nakuha sa dinakpan nga may sulod nga gituohang shabu.

Sa karon ang 2 ka indibidwal nga nga nalambigit sa droga parehong mag atubang sa kasong may kalapasan sa R.A 9165 kun comprehensive dangerous drug act of 2002.

Facebook Comments