Nakaluwas ang isa ka mangingisda matapos ma-rescue sang mga katapo sang Philippine Coast guard sang magkulob ang ginasakyan sini nga baroto kaina sang kasisidmon.
Ginkilala ang mangingisda nga si Reynaldo Abalajen, 72 anyos sang Barangay Calaparan, Arevalo.
Suno kay Wilfredo Francisco, barangay Tanod sang Calumpang, Molo nga nagapangisda si Alabajen sakay sa baroto sang magkulob ang sakayan.
Gintinguhaan ini nga i-rescue sang iya bata nga si Raymund Abalajen apang nagbalik ini bangud sa kabaskog sang mga balud kag nagpangayo sang bulig.
Sa pagresponder sang PCG, natigayon naman nga magrescue si Abalajen.
Facebook Comments
