New Washington, Aklan – Arestado it mga kapulisan rong sangka mangunguma matapos nga ginserbehan it search warrant ro anang panimaeay kaina it agahon sa Sitio Bogacay, Brgy. Jalas, New Washington, Aklan.
Rong suspek nakilaea kay Fred Bolivar y Iquiña, 39-anyos ag residente man it nasambit nga lugar.
Ginserbe rong search warrant ko mga taga New Washington PNP sa pagpanguna ni PSInsp. Cyril Punzalan, Chief of Police ag kung RID 6 sa pagpanguna ni PCInsp. Benjo Clarite nga may search warrant number EJ 02-19 ag EJ 03-19 ag nabuoe ro mga masunod:
1 caliber 45 pistol nga may serial # 916381 2 magazine assembly it cal. 45 pistol 7 pcs live ammo it cal. 45 pistol 1 pc steel long magazine for M16 rifle 1 pc plastic short magazine for M16 rifle ag 15 pcs live ammos for M16 rifle
Ro nasambit nga armas hay uwa it nagakaigo nga dokumento.
Gin issue ro nasambit nga search warrant ni Hon. Bienvinido P. Barrios Jr., Executive Judge, RTC, 6 Judicial Region, Kalibo, Aklan nga may petsang Pebrero 27, 2019.
Sa pakikipag-angot it RMN News Team kay Punong Barangay Roy Depedro nga uwa man it record sa anang barangay rayang suspek kon sa baril rong pagahambaean pero suno kay PSInp. Punzalan nga may mga series it report angot sa pagpaeopok it baril kuntra sa suspek rason nga gin aplayan it search warrant.
Sa makaron detained sa lock up cell it New Washington PNP ag magapangatubang it nagakaigong kaso.
