Landing sa ospital ang isa ka mangunguma makaligad nga nga makaangkon sang pilas tuga sang pagpamuno sang isa ka barbero ala 7:30 sang nagligad nga gab-i sa Zone 1, Barangay Libertad, Surallah, South Cotabato.
Ginkilala ang biktima kay Vicente Capurihan Ballaran, 41anyos, may asawa, mangunguma kag residente sang nasambit nga lugar, apang nakilala naman ang suspek kay Virgilio Demayo Sisduero Jr, 35anyos, may asawa, barber, rsidente sang Barangay Naci, Surallah, South Cotabato.
Sa ginhimo nga imbestigasyon sang Surallah PNP, sakay suno pa ang suspek kaupod ang isa pa ka abyan sa ila sini motorsiklo, apang pag-abot sa atubang sang Lanciola residence sa Barangay Zone 1 sa nasambit nga banwa, ginbalabagan sila sang isa ka Wilson roquero kaupod ang biktima nga si Ballaran, tubtub naglab-ot sa ila sini pagbinaisay.
Bangud sa insidente, gilayon nga ginbuno sang suspek ang biktima sa tiyan, rason para idalagan ini sa upper valley community hospital sa nasambit nga banwa, apang tigayon suno pa ini nga ginsaylo sa ospital sa syudad sang koronadal.
Samtang buluntaryo naman nga nagsungka ang suspek dala ang gunting nga gingamit sa pagpamuno sa kapulisan.
