Mangunguma gintiro patay sang iya nga bayaw sa Norala, South Cotabato

12

Patay ang isa ka mangunguma, matapos nga tiruhon sang iya nga bayaw sa Purok Upper Magsaysay, Barangay San Miguel, Norala, South Cotabato.pasado alas 6:00 kahapon sang aga, Hunyo 10, 2021.
Ginkilala ang biktima kay Danilo Molina Olmos, 59 – anyos kag residente sang Purok Upper Magsaysay, Brgy San Miguel, Norala, South Cotabato.
Samtang ang suspek ang ginkilala naman kay Mauricio Aguro Lavapiez Jr., 59 –anyos kag residente man sang nasambit nga lugar.
Sa imbestigasyon sang Norala MPS, bag-o ang insidente may-yara sang pagbaisanay nga nagpatunga sa biktima kag suspek angot sa patubig sa irrigation canal sang hinali na lang sini nga ginsumbag ang biktima kag gintiro.
Gilayon naman nga gindala sa ospital ang biktima, apang gindeklarar nga dead on arrival sang attending physician tungod sa naangkon nga igo sang bala sa tuo nga kamot kag tyan.
Ginkasa naman ang pursuit operation batok sa suspek.

Facebook Comments