Dead on arrival sa ospital ang isa ka persona, matapos nga nabungguan sang ambulansya sa National Highway, Barangay. Bukay Pait Tantangan, South Cotabato, alas 10:45 sang gab-i sang Nobyembre 5, 2021.
Ginkilala ang biktima kay Benjamin Pulido, 49 y/o, mangunguma kag residente sang Purok Bagong Sikat,Brangay, Bukay Pait,Tantagan, South Cotabato.
Sa imbestigasyon sang Tantangan MPS, nagtabok sa dalan ang biktima sang aksidente nga nabungguan sang ambulansya sang St. Louis Hospital nga ginamaneho ni Dondie Plicer, 33-anyos kag residente sang Barangay San Pablo, Tacurong City.
Nakaangkon sang seryoso nga pilas sa mga nagkalain-lain nga parte sang iya nga lawas ang biktima nga gilayon nga gindala sang driver sang ambulansya sa ospital, apang gindeklarar nga patay sang attending physician.
Ginkustodiya naman ang driver kag ambulansya sa Tantangan police station.
