Davao City – Misagol sa bul-og sa mabagang duot sa katawhan ang mga mangungu-ot nga nagpaka aron ingnon nga buot maka-angkon sa pinaskuhan ni Pres. Rody Duterte sa Taal Bangkal, Royal Valley, Barangay Talomo, Davao City.
Sa blotter sa Talomo PNP, mireklamo si Katherine Diao, 43 anyos, nagpuyo sa San Juan Village Bangkal human gikuot ang iyang bag sa suspek nga si Rosie Sagarino, 32 anyos, nagpuyo sa Kaputian, Samal ala 1:00 ang takna sa hapon.
Gibutyag sa biktima nga samtang nilinya sa pahalipay ni mayor ang suspek nga anaa sa iyang likod mikuot sa iyang bag rason sa iyang pagkisi-kisi ug gilayon gidakop ang suspetsado dayong giendorso sa presinto tres.
Mipatala usab si Bartolome Cabanlit, 54 anyos, nagpuyo sa Bankerohan ug membro sa Public Safety and Security Command Center (PSSCC) nga nagwardiya sa panimalay ni Pres. Duterte tungod kay nakawatan og duha ka motorola handheld radio.
RadyoMaN Erin Lumosbog
