Mas gipahugtan pa sa Malaybalay City Police Station ang manhunt operation batok sa suspek sa pagpanglugos sa siyudad sa Malaybalay.
Nasayran nga usa ka 14 anyos nga taga P-5, Brgy, 9 ning siyudad ang nakapalagan gahapon sa buntag sa Forest Park sa Brgy. 1 nga gigapos sa alambre ang kamot ug tiil ug gilugos.
Gi-ingong nitan-aw kini sa concert nga gihimo sa Capitol grounds sa wala pa kini na-rape.
Sa interview sa RMN ngadto kang PSupt. Alfredo Ortiz Jr., ang hepe sa PNP Malaybalay gibutyag niini nga positibo ang resulta sa ilang gihimong imbestigasyon ug ila nang nailhan ang suspek sa maong pagpanglugos.
Matud ni Ortiz nga usa lamang ka suspek sa mao nga kaso sa rape.
Gidugang pa ni Ortiz nga nahitabo ang mao nga pagpanglugos duol lamang sa Kaamulan ground.
Bisan tood ug adunay outpost duol sa mao nga dapit apan gi-ingon niini nga ang pulis lang maoy bantayan sa mga dautang element.
