Puspusan na ang pagsasanay ni Senador Manny Pacquiao para sa kaniyang susunod na laban – sa entablado ng Araneta Coliseum.
Sa ibinahaging Instagram short video nitong Biyernes, todo-ensayo si ‘Pambasang Kamao’ sa pagkanta ng sikat na OPM songs na “Pagsubok” ng Orient Pearl at “Buwan” ni Juan Karlos (JK) Labajo.
“I don’t know if I can do it… but I’ll try, do my best,” pahayag ni Pacquiao sa kaniyang 5.4 million Instagram followers.
Muling maririnig ng mga tagahanga ni ‘Pacman’ ang talento nito sa pag-awit sa darating na Setyembre 1. Libre sa publiko ang kaniyang kauna-unahang major concert.
Magaganap ang musical performance ng mambabatas isang buwan matapos manalo bilang World Boxing Association (WBA) welterweight champion kontra sa Amerikanong boksingero na si Keith Thurman noong Hulyo.
