Manokan sang kapitan ginsulod sang mga armado nga tawo, Kap. Gayagas pilason

249

Bago City – Ginmando na Negros Occidental Provincial Police Director PSSupt Rodolfo Castil ang hot pursuit operation batuk sa mga armado nga mga tawo nga nag sulod sa manokan ni Brgy. Bacong Montilla, Punong Barangay Federico ‘Bimboy’ Gayagas, Jr. sang Hulyo 2, Domingo sang aga.

Suno kay PSInsp. Joefer Cabural, nakaangkun sang pilas sa iya abaga kag batiis ang punong barangay nga gina bulong karon sa isa ka pribado nga ospital sa Bacolod.

Indi naman ma confirm ni Gayagas kun sino kag ano nga grupo ang nagsulod sa iya manokan.

Antis natabu ang pagpangataki ginasiling nga damlag may nabatun na nga pamahug ang kapitan, pero nagpamalibad naman ini nga magtumod sang grupo.

Si Kapitan Gayagas ang una na nga nainvolve sa isa ka shoot-out sang Setyembre 2016 sa diin pilason man ini sang ginpaulanan sang bala ang isa ka salakyan sa police operation kontra sa drug personality nga si Moreto Benares. Patay sa amu nga hitabo ang iya pakaisa nga si Kagawad Rodolfo ‘Kalbo’ Gayagas.

Ginrasun sadto ni Kapitan Gayagas nga ini siya ang asset sang Philippine Drug Enforcement Agency (PDEA) nga ginpaboran man ni PDEA consulatant, Moises Padilla Mayor Magdaleno ‘Magsie’ Penia.

Facebook Comments