Davao City – Dili susama sa milabay’ng national elections, magpahigayon og manual elections sa umaabot nga May 2018 Sangguniang Kabataan (SK) and barangay elections.
Sa gipahigayong press conference karong adlawa, gibutyag ni Commission on Elections (COMELEC-XI) spokesperson Atty. Omar Samama nga wala pa sila gimandoan nga adunay cancellation sa 2018 elections gani kini mahitabo karong May 14, 2018.
Gibutyag ni Omar nga full-swing na ang ilang preparasyon sa umaabot nga eleksyon diin sa ilang record, adunay 923,539 registered voters sa first, second ug third districts ning dakbayan samtang mokabat sa 30,036 niini ang rehistrado sa SK level.
Human sa verification stage, i-post na nila ang final listing sa mga botante.
Giklaro usab sa tigpamaba sa COMELEC nga abli ilang buhatan adlaw’ng Sabado ug Domingo alang sa mga interesadong mo-file sa ilang certificate of candidacy karong April 14-20 sa 2018 local elections.
RadyoMaN Jason Amisola
