Davao City – Mano-manong pagsusi sa mga bagahe ang gipatuman sa Davao City Overland Transport Terminal (DCOTT) sa mga mobiyahe paingon sa nagkadaiyang probinsya sa rehiyon.
Gihimo sa mga ginsakpan sa Task Force Davao (TF Davao) ang manual inspection human nadaot ang x-ray scanner nga mag-monitor sa bagahe sa mga pasahero diin naguba ang maong kahimanan niadtong bulan sa Nobyembre tungod sa walay undang nga paggamit.
Sumala sa report, niadto pang nakalabay’ng semana nagsugod na sa pagdagsa ang mga tawo nga mouli sa ilang nagkadaiyang probinsya nga miresulta sa taas nga linya una makasulod sa terminal.
Alayon niini, usa ka gate ang giablihan aron didto mo-agi ang ubang pasahero aron dili malangan ug dali na lang ang pagsulod.
Padayong gipatuman usab ang hugot nga seguridad sa terminal human sa natigayong bombing sa Cotabato City.
RadyoMaN Paul Canono
