BACOLOD CITY – Ang hisa-hisa sa masami wala gid nagadulot sang maayo nga resulta sa isigkatawo.
Ehemplo diri ang natabo sa isa ka manugbaliya sang prutas sa Central Market diri sa ciudad sang Bacolod kon diin ini siya ang ginbuno bangud gid lamang sang hisa-hisa sa baligyaanay.
Nakilala ang biktima nga si Arlan Magracia, 32 anyos ang edad, pumuluyo sang Brgy. Alijis, Bacolod City.
Suno sa biktima nga may mga las 9:30 kagab-i durante nga ini siya ang yara sa Bacolod downtown area kag naga-atinder sang iya baligya, hinali na lamang ini nga ginpalapitan sang suspek nga nakilala lang kay “ Bacalangco .”
Ginpahayag sang biktima nga nakibot siya sang ini ang gulpi lang gina ginbuno sang suspek.
Nag-angkon sang igo sa iya wala nga ilok kag tuo nga hawak ang biktima kag dali-dali ini nga gindala sa Corazon Locsin Montelibano Memorial Regional Hospital, samtang ang suspek naman ang padayon pa karon nga ginapangita matapos nalagyo./dyHB BACOLOD
