SYUDAD sang Iloilo – Nacover sang Philippine Health Insurance Corporation ukon PhilHealth sa rehiyon ang 8,005 ka mga pasyente sang dengue sugod Enero tubtob Hulyo subong nga tuig.
Ini sa tunga sang dengue outbreak nga gindeklarar sa rehiyon 6 magluwas lang sa probinsya sang Negros Occidental.
Suno kay Janimhe Jalbuna, head sang PhilHealth 6 Public Affairs Unit ini nagabalor sang P81 million.
May P10,000 nga package ang dengue sa idalum sang PhilHealth.
Ginpahayag ni Jalbuna nga nakita nila ang pagtaas sang payment sa dengue bangod mas nagadamo nga mga miyembro ang naga-avail sang Philhealth.
Nahibaluan nga ara sa rank 5 ang dengue sa mga may mataas nga claims sang nagligad nga tuig.// via Joel Franco reports
Facebook Comments
