TACLOBAN CITY – Magkakamayada hin bag-o nga ruta an pampasahero nga E-Jeepney ha syudad han Tacloban agud mas mapaupay pa an dalagan han transportasyon ha kadalanan ini in sumala han Land Transportation and Regulatory Board (LTFRB) Region 8.
Route: Robinsons North to Robinsons Marasbaras
via Caibaan Maharlika road, vice versa.
Sumala kan LTFRB PIO Engr. Melchor Llorono, 15 units nga bag-o nira nga ginlansar in mayda bag-o nga ruta nga Abucay to Marasbaras vice versa.
Samtang, an 45 units nga e-jeep in magpapabilin an ruta nga maagi ha Coca-Cola Junction.
An pag butang hin bag-o nga ruta in agud mas mapadali na an pagsakay han mga pasahero tikang ha Marasbaras tikadto ha terminal pinaagi han 15 nga e-jeepney.
Samtang dugang pa niya, ini nga modernisasyon in padayon nira nga iginpapatuman ha publiko ngan an mga daan nga mga jeep in mayda la kutob 2020 nga extension para gamiton an mga sarakyan. Samtang ha mga multicab naman in mayada la 13 ka tuig nga extension, ha UV Express in 15 ka tuig , ha PUJ naman in 15 gihapon ka tuig pero kinahanglan nira magsumiter hin Road Worthiness Certificate (RWC) ha LTO.
(Photo by Star 8 Green Technology Corporation)
