Gikumpirmar karon ni Joint Task Force Marawi (JTFM) commander Brig. Gen. Rolando Joselito Bautista nga anaa na sa kinatumyan nga bahin sa ilang intensive operation ang kasundaluhan kontra sa nahibiling pwersang Maute kinsa nagdumili sa gihapon sa pag-surrender sa ilang kaugalingon.
Sa usaka media interview, gibutyag ni Bautista nga ang calibrated action tinukmod sa malisud nga depensa sa mga kalaban sama sa gikubkob nga mga foxholes ug tunnel system, presensya sa mga Maute sharpshooters ingon man ang pag-stock up ug mga armas ug mga eksplosibo.
Pikas bahin, gisugilon karon ni Presidential Communications Asst. Sec. Kris Ablan nga mokabat na sa 668 ka mga elementong Maute ug mga symphatizers nila napatay diha sa ‘final push or final stage’ sa nagpadayong gyera aron pagbawi sa syudad gikan sa kamot sa mga bandido.
Matud ni Ablan, mokabat na sa 47 ka mga sibilyan nahimong casualties sa war zone ingon man nidangat na sa 147 ka sundalo patay sa nagpadayong operasyon kontra terorista.
Sa talaan sa mga na-rescue, mototal na sa 1,728 ka mga tawo nasalbar kinsa anaa na karon sa mga evacuation sites.
Mientras tanto, 685 ka mga high-powered firearms na-recover sa mga awtoridad sa ‘main battle area’ ug 16 ka mga istruktura kun mga gambalay na-ilog na sa mga awtoridad.
Sa susamang news conference, gisugilon ni Lito Monico Lorenzana sa Centrist Democratic Party of the Philippines nga nagka-anam na kalig-on ang adbokasiya alang sa pag-shift nato gikan sa presidential-bicameral ngadto sa federal system of government.
Gamit ang ehemplo sa ubang nagmalamboong federalist states, gitataw ni Lorenzana nga hugot gitun-an sa mga batid ang kamugnaan sa usaka federal setup langkuban sa 11 ka mga federal regions inubanan sa combined legislative ug executive department diin ang primer ministro maoy mamahimong pangulo sa gobyerno.
Kasamang June Duterte
tasg: dxdc 621 davao
