ILOILO CITY – Ginpasidunggan sang Iloilo City Government ang tatlo ka mga soldado nga nagpakig-away sa mga Maute-ISIS sa Marawi City.
Ginhatagan sang Mayor’s Citation kadungan sang Flag Ceremony sanday Private Andrew Catequista, Corporal Mark R. Gevero kag Staff Sergeant Rodel T. Pacaña.
Gindayaw ni Mayor Espinosa ang pagkabaganihan sang tatlo nga nagtaya sang ila kabuhi para sa pungsod nga bugal sang syudad sang Iloilo bilang mga tumandok nga residente.
“This is our own little way of showing our heroes and we acknowledge their help to make the country an indivisible Republic of the Philippines,” ang pahayag ni Espinosa.
Maluwas sa citation nagbaton man ang tatlo sang tag P5,000 nga cash gikan sa syudad.
Oktobre 22 sang nagpauli ang tatlo sa syudad.
Si Pacaña, 41, may duha ka anak kag tumandok sang Rizal Pala-Pala 2, City Proper.
“All I did during the siege was to pray. I prayed that my comrades and I will be safe while we were fighting,” ang pahayag ni Pacaña.
Samtang si Gevero, 31, gikan sa Brgy. Boulevard, Molo kag assistant team leader sang 31st Division Reconnaissance Company (DRC) of the 3rd Infantry (Spearhead) Division.
“We had a lot of bad experiences but after a while, we had adjusted and just did our best during the fight,” sun okay Gevero.
Si Catequista, 22 anyos nga tumandok sang Brgy. Quezon, Arevalo amo ang pinakalamharon sa tatlo ka mga awardees.
“At first there was fear upon us but still I was able to survive and I am very thankful that I am now with my family after many months from being assigned to guard Dansalan College in Marawi.”
Sa ila panaysayun ginsugid sang tatlo kun ano ka budlay ang ila inagihan kag kasubo ang Makita nga nagakapatay ang ila mga kaupdanan.
Subong man ang ila pamilya kag kaangay nga Filipino ang nagserbe nga inspirasyon agud ipakigbato ang kahilwayan sang syudad.
