Davao City – Kinahanglang adunay himoong konsultasyon sa tanang katawhan sa Marawi aron sayron kung unsay ilang gusto nga himoon sa gobyerno human nangadamyos ang ilang mga propidad, kabtangan, nawad-an sa panginabuhian tungod sa giyera.
Sumala ni Ustadz Mahmud Adilao, wala nagpasabot nga kung unsay ilang gusto mao na ang matuman tungod kay kung dili magkasinabot posibleng moulbo na usab ang laing kasamok sa maong lugar.
Giingon ni Adilao, molungtad pa og daghang katuigan alang sa rehabilitasyon una pa man mapabalik sa normal ang Marawi tungod kay dako kini nga lugar. Gipasabot ni Adilao, una himoong usa ka New Islamic City ang Marawi, kinahanglang ipaagi una sa konsuktasyon o dayalogo kay basin unya pag-abot sa panahon dili na usab makontrol sa gobyerno ang mga tawo sa maong dapit.
RadyoMaN Bernard Pantallon
