Gipahigayon karon ang usaka ‘full-blown rebuilding, reconstruction and rebuilding’ sa Marawi City una pa man tugtang mahibalik na sa hingpit ang mga residenteng nibakwit sa dihang nisila-ob ang gyerang giduslitan sa grupong Maute nga kaalyado sa Islamic State of Iraq and Syria (ISIS).
Sa regular news conference sa palasyo sa Malacanang, gipahibalo ni Maj. Gen. Restituto Padilla, Jr., spokesperson sa Armed Forces of the Philippines (AFP) nga ang pwersa sa kagamhanan ubos sa Joint Task Force Ranao atua na alang sa massive clearing and clean-up operations.
Gitutukan karon ang mga ‘heavily-damaged areas’ ug gisuta ang matag metro kwadradong luna haron ma-pinpoint ug ma-retrieve ang katapusang eksplosibong wala pa ma-detonate apil ang mga gipananum ug posibleng gibilin sa Maute nga mga ‘booby traps.’
“Our aim is to pursue a road to normalcy through rehabilitation, reconstruction and rebuilding,” matud ni Padilla kinsa nagkanayon usab nga ang post-conflict scenario maoy labaw’ng kritikal.
Dinhi mag-focus ang mga rehab operators pinaagi sa paghatag ug prayoridad sa pag-establisar ug ‘basic services’ sama sa transition shelters, elektrisidad, tubig-mainum, learning centers kun mga tunghaan, business interventions ug uban pang oportunidad sa panginabuhian niadtong mga Marawi Internally-Displaced Persons (IDPs).
Dugang sa AFP spokesperson, ang Marawi Siege naghatag usab kini ug higayon sa militar nga tun-an ang mga bag-ong doktrinang magamit nila sa panggubatan sama sa paglutaw sa ‘urban warfare scenario’ pinaagi sa bag-ong pagpanudlo gitawag nga ‘Military Operation on Urban Terrain.’
Pikas bahin agig reaksyon sa ninggula kun nag-circulate nga video sa usaka gi-maltratong dinakpang terorista sa kamot sa mga sundalo sa battle front, gitino ni Padilla nga molusad sila ug halapad nga imbestigasyon aron pagsuta sa nahitabo.
Dugang ni Padilla, gilantaw nila kini nga ‘isolated case’ taliwala sa strict standing policy sa armadong kusog nga respetohon gihapon ang tanang mga dinakpang kalaban diha sa mga conflict situations, dugang ni Padilla.
Nagpasidaan usab ang tigpamaba nga hugot bantayan ang posibleng nahibiling mga ISIS cells sa nasud gani gilaraw usab ang pagdugang ug 10 ka bag-ong batalyon sa sundalo aron depensahan ang nasud sa kamot sa mga security threats.
RadyoMaN June Duterte
