Davao City- Bisan pa man og human na ang gubat didto sa Marawi, padayon gihapon ang monitoring ngadto sa mga evacuees ingon man pagtabang ngadto sa mga pamilya nga nawad-an og panimalay gumikan sa nahitabong gyera batok sa mga terorista.
Subay niini gipaniguro sa International Committee of the Red Cross (ICRC) nga padayon ang ilang pagtunol sa humanitarian assistance sama sa food and non-food assistance ngadto sa mga evacuees.
Atol sa AFP PNP Press Corps miingon si Roberto Petronio ang Head Sub Delegation sa ICRC Mindanao anaa pa lamang sa 60% ka mga mga pamilya ang namalik sa maong syudad gumikan sa pagkaguba sa ilang panimalay ug panginabuhi.
Dugang ni Petronio ang ilang organisasyon ang nagsilbing tigpuna sa mga panginahanglanon sa mga tawo sa maong lugar kon ‘filling the gaps’ samtang padayong nagaplano ang gobyerno sa kaugmaon sa Marawi City.
“For the time being we’re kind of filling the gaps, responding to the most urgent needs. We know that the government of the Philippines is working into it but the day we will have a clear idea of the master plan of the government we will also see where we will be in this project”
Ang ICRC usa ka independent humanitarian organization nga naga protekta uga nagahatag og assistance ngadto sa mga armed conflict areas.
RadyoMan Abi Bibera
