CAUAYAN CITY – BILANG BAHAGI NG PAGDIRIWANG NG IKA-13 ANIBERSARYO NG PAGIGING LUNGSOD NG ILAGAN, MULING IPINAMALAS NG PAMAHALAANG PANLUNGSOD ANG MALASAKIT AT SUPORTA SA SEKTOR NG AGRIKULTURA AT PANGINGISDA SA PAMAMAGITAN NG PAMAMAHAGI NG IBA’T IBANG TULONG PANGKABUHAYAN.
PINANGUNAHAN NG ILAW FEDERATION, SA PAMUMUNO NI ILAW PRESIDENT AT BUTIHING MAYBAHAY NG PUNONG LUNGSOD, TRISHA MARIE ASTADAN DIAZ, ANG PAMAMAHAGI NG 200 BRAHMAN CATTLE SA MGA MIYEMBRO NG ILAW FEDERATION, REBEL RETURNESS, AT MGA PAMILYANG NAWALAN NG ALAGANG HAYOP DULOT NG NAKARAANG KALAMIDAD.
BUKOD DITO, NAKATANGGAP DIN ANG MGA MAGSASAKA NG 4,900 SAKO NG RICE SEEDS, SAMANTALANG 65 PIRASO NG GILLNETS NAMAN ANG IBINIGAY SA MGA MANGINGISDA UPANG MAKATULONG SA KANILANG KABUHAYAN.
AYON KAY VICE MAYOR JAYVE DIAZ, PINALALAKAS NG LUNGSOD NG ILAGAN ANG SEKTOR NG KABABAIHAN AT ISINUSULONG ANG ADHIKAIN NG INCLUSIVITY — NA SA LUNGSOD NG ILAGAN, WALANG SEKTOR ANG NAPAG-IIWANAN.
LAYUN NG PROYEKTONG ITO NA LALO PANG PAUNLARIN ANG KABUHAYAN NG MGA BENEPISYARYO, TIYAKIN ANG SEGURIDAD SA PAGKAIN, AT PALAKASIN ANG SEKTOR NG AGRIKULTURA AT PANGINGISDA.
