Gikunpirma ni Maria Cristina Barangay Kapitan Nilo Laurete nga Person Under Investigation o PUI na karon ang dise nwebe anyos nga magulang niadtung batang syete anyos nga taga Dumalinao, Zamboanga del Sur.
Kini human nasuta nga direct kontak sa bata ang iyang magulang dihang mibisita kini diha sa Fuentes Maria Cristina.
Matud ni Laurete nga subay sa gihimong contact tracing sa mga health workers nasuta gayud sa usa sa mga zone sa ilang barangay kun asa nakabisita ang bata nga gikaingong adunay travel history dinhi sa iligan ug pag-abot sa ilang lugar nag-positibo kini sa COVID 19.
Hinoon sa pagkakaron, sumala ni Laurete, gipailalom na sa quarantine ang maong batan-on ug sila na mismo ang gahatag ug pagkaon niini aron ma monitor gayud siya ug dili na makagawas-gawas pa.
