Davao City – Wala maganahi ang pipila ka mga Dabawenyo sa nahimong tubag ni Miss Universe 2018 Catriona Gray sa pangutana kung uyon ba kini sa legalisasyon sa droga nga marijuana.
Walay duha-duhang nitubag og pabor si Gray sa legalisasyon sa marijuana basta moderasyon ang paggamit sa maong droga.
Miani og negatibong reaksiyon sa mga Pilipino ang nahimong baruganan sa Miss Universe labot sa legalisasyon sa marijuana, sumala ni Sr. Insp.Jeffrey Bangcas, Tagum City Police Office Spokesperson.
Sa pangagpas si Bangcas, maglisod og lusot sa Kongreso ug Senado ang balaudnon nga mag-legalisar sa paggamit og marijuana tungod sa hugot nga giyera kontra droga sa gobyernong Duterte.
Apan ugaling hingpit man ma-legalize sa nasud paggamit sa marijuana, gikinahanglan regulated ug dunay prescription gikan sa doktor aron dili maabuso og gamit sa mga tawo ang marijuana, dugang ni Bangcas.
RadyoMaN Joel Viray
