Davao City- Nanawagan ang kapulisan ug ang mga barangay officials sa tanang mga namuyo sa landslide prone areas sa Marilog nga mupatoo sa mga ipatumang evacuation.
Sa interbyu sa DXDC RMN Davao kang Police Major Nelson Violan, Marilog Police Station Commander, gipangayo sa hepe ang kooperasyon sa mga residente aron malikayan nga aduna na usab makalas nga kinabuhi o maangol tungod sa pagdahili sa yuta.
Samtang, matud ni Barangay Salaysay Kapitan Roberto Itdang Sr., giaghat niini ang katawhan nga maminaw ug dili balewalaon ang abiso sa mga awtoridad.
Segun ni Itdang, nakaandam ang mga evacuation areas para temporaryong kapuy-an sa mga apektadong mga pamilya tungod sa hulga sa landslide.
RadyoMaN Aimee Guinita
Facebook Comments
