Davao City – Dead on arrival sa Southern Philippines Medical Center (SPMC) ang driver sa motor human napatal og pagkalambos niini sa poste sa kuryente sa highway sa Marilog District ning siyudad pasado alas-11:00 kagabii.
Dili sab mabana-banaan ang pangidaron sa biktima apan usa kini ka hamtong subay sa record sa traumatic center sa spmc.
Nasayran nga hubog matud pa ang biktimang lalake sa dihang nagmaneho kini sa iyang motor ug pag-abot sa Suawan Marilog, kalit lang misarasay ang motor hangtod sa mibangga kini sa poste.
Tungod sa kakusog sa impact maayo pagkaparok sa ulo sa biktima sa poste resulta sa kamatayon sa driver kinsa nagpabilin pa sa morgue sa SPMC.
Sa nasangpit nga disgrasya, angol ang duha ka angkas nga sila Michelle Magulayon, 15 anyos, ug usa ka Cristina Lambayon, 13 anyos, nga pulos mga taga-Arakan North Cotabato kinsa padayon pang gitambalan karon sa SPMC.
RadyoMaN Joel Viray
