Davao City – Ang kasong lugos nga gipasaka batok sa usa ka miyembro sa CAFGU maoy gituhoang dakung hinungdan sa pagpatay sa upat ka mga miyembro sa pamilya sa biktima sa lugos sa Marilog District syudad sa Davao.
Sumala ni Davao City Police Office Director Police Sr.Supt.Alexander Tagum, sa dihang nasayran sa suspect nga si Randy Silay Balagise alias Randy Alba, CAFGU member ilawom sa 16th IB 2nd Division Phil.Army nga mogawas na ang warrant of arrest human napasaka ang kasong rape batok kaniya, iyang gipamatay ang inahan, duha ka anak babaye ug usa ka singko anyos nga apo pinaagi sa pagpamusil ug tigbas niadtong Martes sa gabii sa Barangay Marilog, Marilog District, syudad sa Davao.
Nagtoo ang DCPO Director nga mao kini ang dakung hinungdan kung nganong gipamatay sa suspect ang mga miyembro sa pamilya sa biktima.
RadyoMaN Bernard Pantallon
