Sumala sa Davao Central 911, nakadawat sila og emergency call alas 10:26 sa buntag ug dali nila kining girespondehan ang nahitabong disgrasya. Naabtan sa mga rescuers nga na-trap ang truck driver samtang usa ka pasahero nga anaa sa dalan nga wala nay kinabuhi.
Nakuha sa mga rescue technicians ang na-trap nga driver sa truck nga giilang si Richmund Lamela, residente sa Mangagoy, Bislig City.
Sa inbestigasyon sa Marilog Police Station, naggikan ang motor nga gimaniho ni Gonzaga Erwin Magkidong ug back rider nga si Mark Alexis Lesigues Calumba, parehong residente sa Calinan, Davao City gikan sa Calinan padulong og Marilog, samtang ang truck nga loaded og mga kalabasa padulong sa syudad sa Davao, dihang pag-abot na sa curve accident-prone area sa Suawan, Marilog, alegasyong nawad-an og kontrol sa dihang wala niganar ang brake ug gibanggaan ang motorseklo.
Sa kakusog sa impact, nalagput ang duha ka mga pasahero sa truck hinungdan sa pagkamatay sa usa sa mga pasahero, naangol usab ang duha pa ka mga pasaherong giila nga sila Anthony Retadar, 22 anyos, taga- Maa, Davao City ug Rommel Asotigue, 30 anyos, taga-Brgy Mangagoy Bislig City, samtang seriously injured usab ang drayber ug backrider sa motor.
Mga naangol gipanghatud sa Southern Philippines Medical Center ( SPMC), samtang ang patay’ng lawas sa laing usa ka biktima gidala sa Angel Funeral Parlor.
RadyoMaN Aimee Guinita
