Davao City – Human nagpadangat og mulo ang mga residente sa Suawan Marilog District labot sa kahinay sa trabaho sa dalan dinhi sa RMN Davao sa miaging semana mitubag karon ang Barangay Suawan Council pinaagi kang Barangay Kagawad Martin Elid human aron tin-awon ang reklamo sa mga lumulupyo.
Wala gilimod ni Kagawad Elid nga hinay gyod ang trabaho sa dalan apan depensa niini nga wala matud pa kini tuyoa sa kontraktor.
Inay gitumbok niini nga rason sa pagdelatar sa pagtapos sa pag-ayo sa dalan mao ang kanunay pagbundak sa uwan sa ilang dapit butang nga dili nila matud pa kontrol tungod dala kini sa dagan sa panahon.
Sa pagpanubay usab sa barangay council nasayran nga aduna sa’y problema sa mga trabahante sa kontraktor apan ginasulbad na matud pa kini sa barangay council.
Hinoon nakasabot ra si Kagawad Elid sa sentimento sa ilang katawhan apan dunay dakong posibilidad nga gigamit ra sa kontra sa politika sa barangay isyu aron dauton ang mga opisyales karon sa katawhan.
Miapelar ang opisyal ngadto sa mga lehitimong nagpaabot sa mulo sa Kuskos Batikos Midday Edition program nga patas-an ang pasensya kay gipaspasan na pagtapos sa pag-ayo sa dalan.
RadyoMaN Joel Viray
