Davao City- Gidayeg sa usa ka konsehal dinhi sa syudad sa Davao ang aksyon karon ni Pres. Rodrigo Duterte sa pagsipa sa mga presidential appointees gumikan sa salaud sa pangatungdanan.
Kini ang reaksyon ni Sangguniang Panglungsod Majority Floor Leader Bernard Al-ag atol sa interbyu sa DXDC RMN Davao diin sumala niya, wala na siya nasorpresa pa nga himuon kadto sa pamuno-nasud sanglit bisan pa man nga kaniadtong Mayor pa si Duterte dinhi sa dakbayan, gihimo usab niya ang maong aksyon ngadto sa mga department heads sa local government offices tungod sa alegasyong korapsyon.
“He’s consistent sa iyang character nga dili gyud siya mu-tolerate og any inefficiency o irregularity diha sa gobyerno lalo na sa iyang gihatag sa iyang executive order nga ginabawal sa mga public officials nga muadto sa foreign travel,” sulti ni Al-ag.
Subay kini sa pagsipa sa pwesto kang Maritime Industry Authority (MARINA) administrator Dr. Marcial Quirico C. Amaro III tungod sa gitawag nga ‘excessive foreign trips’ nga gihimo niini gamit ang pondo sa gobyerno.
Gikalipay usab ni Al-ag ang maong lakang uban sa panghinaut nga ang ubang ehekutibo sa gobyerno mogamit gayud sa kwarta sa gobyerno sa saktong pamaagi.
Gani dugang sa konsehal nga bisan denhe sa local level, kinahanglan usab i-monitor ang mga officials o mga nangulo sa government offices kabahin sa direktiba ni Duterte nga “lead modest lives, be true to their calling and avoid unnecessary trips.”
RadyoMaN Renz Barbarona
