Ramon Magsaysay, Zambonga del Sur – Marital Infidelity kon pagkadili-maunongon sa kaminyoon ang gutuhuan nga motibo sa mga otoridad nga hinungdan sa pagpangluba nga nahitabo didtung dapita sa Purok 6, Brgy. Poblacion, Ramon Magsaysay, Zamboanga del Sur alas 2:30 ang takna sa niaging adlaw October 19, 202.
Giila sa PNP Ramon Magsaysay pinaagi ni PEMS Keith D Mayol ang biktima nga si Jay Gomez Dag-Uman, 42-anyos, ulitawo, mag-uuma, residente sa Purok 8, sakop sa maong lugar.
Giluba kini suspek nga naila nga si Jel Bernadino Ladeos, 33-anyos, minyo, mag-uuma, residente sa Purok 7, sa maong dapit.
Sa imbestigasyon nasayran nga ang maong biktima ang galantaw kini ug dula nga Tennis sa dihang niabot ang suspek nga sa walay langan niluba sa biktima.
Nakahi-agom ang biktima ug duha ka samad sa ubus nga bahin sa walang abaga.
Daling gidala sa Blancia Hospital, sa lungsod sa Molave ang biktima alang sa daliang medekasyon.
Samtang ang suspek ang dali ra usab nga nisibat paingon sa ilang panimalay, didtu nadakpan sa mga kapulisan ug gidala sa buhatan sa kapulisan aron mapasakaan sa tukmang kaso.
