Pipila na ka adlaw ang milabay sa dihang naay balita nga migawas gikan sa Pep.ph nga miangkon daw ang singer-actor nga si Mark Bautista kabahin sa iyang sexuality o sexual preference. Suma pa sa report nga naay copies nga naggawas sa iyang autobiography book nga “Beyond The Mark” bisag wa pani officially gipakita sa publiko kung diin didto mikompisal ang 34-year-old nga artista.
Sa report pa sa Pep.ph sa maong libro mitug-an daw si Mark Bautista sa iyang co-star sa iyang musical play nga gibidahan abroad nga usa lagi daw siya ka bisexual. Suma pa sa leaked copies sa iyang autobiography miingon si Mark nga “I love both sexes.”
Nahimo dayong controversial ang iyang pagtug-an nga anaa siyay naka-intimate moment nga usa ka-actor nga suma pa niya nga hubog daw siya atong higayona. Dali dayon nakakomento ang mga netizens nga posibleng si Piolo Pascual ang pasabot niya gumikan kay kahinumdoman ang nahitabo sa relasyon ni Papa P. ug ex gf niini nga si KC Concepcion kung diin giingon nga si KC nakasakop ni Papa P. nga naay kaubang lalaki sud sa iyang kwarto.
Sa latest stage appearance ni Mark sa usa ka Valentine’s concert sa Taguig miingon ni sa fans nga “Thank you so much for the love, for the respect and for the support.” Karon sumsuman pa gihapon sa mga showbiz writers ug fans ang maong balita.
Unsa inyong reaksyon sa pag-angkon ni Mark Bautista idol?
