Market vendors naglisod og rekober

27

Davao City – Gi-angkon sa usa ka market vendor ning syudad sa Davao nga naglisod sila’g rekober sa ilang negosyo gumikan sa sitwasyon karon sa Coronavirus Disease 2019 (COVID-19).

Sa interbyu sa DXDC RMN Davao kang Ana Collado, vendor sa Bankerohan Public Market, gibutyag niini nga grabe ka-hinay ang ilang kita labi na sa COVID-19 measures nga ginapatuman sa gobyerno sama sa ‘one entry, one exit policy’ sa palengke.


“Tungod sa COVID. Tapos isa ka entrance isa ka exit, maglisod gyud mi’g rekober,” segun ni Collado.

Gibutyag ni Collado nga inay sa palengke, mas pilion sa mga konsumante nga sa mall mamalit aron malikay usab sa dagsa sa katawhan.

Gidugang sa vendor nga nasabtan niini ang kamandoan sa panggamhanan aron nga dili na mukatag pa ang COVID-19.

RadyoMaN Kirby Manzon

Facebook Comments