Davao City – Dili maayo ang military manguna sa rehabilitasyon sa Marawi City sa punto nga ang mga bomba gihilog ug mibungkag sa mga gambalay iya man sa armadong kusog sa Pilipinas.
Kun ugali military ang mangulo sa pagpatindog sa Marawi City pag-usab basin kuno magpapukaw kini sa kasuko sa mga residente tungod nadangatan sa ilang mga balay ug panginabuhian.
Busa gi-awhag ni Akbayan Partylist Representative Tom Villarin si Presidente Rodrigo Duterte nga maminaw kini sa panawagan nga tanggalon na ang Martial Law sa Mindanao.
Wala na’y nakitang basehan si Villarin aron ipadayon ang balaod militar sa Mindanao karon nga patay na ang teroristang Maute Brothers ug ang Emir ISIS ug Abu Sayyaf Leader nga si Isnilon Hapilon.
Sa tan-aw pa sa magbabalaod, dakong epekto sa pagkunhod sa hulga sa panenorismo sa Mindanao ang kamatayon ni Hapilon ug sa Maute Brothers busa wala na’y katarungan pa nga paabton sa Disyembre ang pag-undang sa Martial Law.
Kumpiyansa si Akbayan Partylist Congressman Tom Villarin nga wala na’y posebilidad nga mahitabo ang terror spillover sa ubang lugar sa Mindanao karon nga siento porsiento kontrolado na sa militar ang hulga sa terorismo sa atong dapit.
RadyoMan Joel Viray
