Davao City – Ginapaniguro sa kasundalohan nga dili masayang ang pagsalig sa Kongreso human nga na-aprubahan ang Martial Law Extension sa isla sa Mindanao og dugang usa ka tuig.
Kini ang gibutyag ni Lt. General Ezra Balagtey, Spokesperson sa Eastern Mindanao Command (EastMinCom) sa pakighinabi sa DXDC RMN Davao.
Segun ni Balagtey nga usa sumala pa kini ka pagsalig nga gihatag kanila diin ilang siguruhong dili kini masayang ug mapatuman ang susamang mga prinsipyo subay sa unang pag-implementar sa balaod militar sa Mindanao niadtong Mayo 2017.
Nasayran nga gi-aprubahan sa joint session sa duha ka kapulungan sa Kongreso ang hangyo ni Pangulong Rodrigo Duterte nga subling i-extend ang martial law ug suspension sa privilege of habeas corpus sa Mindanao sa ikatulong higayon.
Sa botohan, 235 ka mga magbabalaod ang mi-pabor, 28 ang dili pabor ug usa ang nag-abstain rason nga magpabilin ang balaod militar sa Mindanao hangtud sa Disyembre 31, 2019.
RadyoMaN Kirby Manzon
