Davao City – Nasabtan sa Task Force Davao (TF Davao) ang tumong sa paglugway og usa ka tuig sa martial law sa Mindanao aron hingpit nga mawala na ang impluwensiya sa Maute-ISIS terror group human napukan sa giyera sa Marawi City.
Sumala ni TF Davao commander Col. Nolasco Mempin, angayan lang nga ipailawom gihapon sa balaud militar ang Mindanao aron maseguro nga wala na ang impluwensya sa maong grupo sa uban pang mga lugar sa yutang saad.
Giingon pa sa kumander sa Task Force Davao nga angayan lang hatagan ug ‘extra powers’ ang ubang mga opisyal tungod sa nagkadaiyang hulga sa terorismo sa nasud ilabina nga gideklara nang teroristang grupo ang mga New Peoples Army (NPA) tungod kay ang terorismo usa ka pangkalibutanhong suliran.
Tungod niini, mas gipahugtan pa nila karon ang pagbantay sa syudad ilabina na sa mga aktibidades sa Pasko Fiesta, pagpanghasi sa mga rebelde ug uban pa matud pa ni Col. Mempin.
RadyoMaN Bernard Pantallon
