Iligan City, Philippines- Daku ang pagkunhod sa illegal nga druga sa dakbayan sa iligan human gipatuman ang Martial Law sa pulo sa Mindanao. Kini mao’y nakitang obserbasyon ni ABC President City Councilor Cesarve Siacor dungan sa iyang dakung pasalamat gumikan sa pagdeklara ug Martial Law ni Presidente Rodrigo Duterte sa pulo sa Mindanao. Matud ni Siacor, gawas sa pagkunhod sa illegal nga druga, mikunhod usab ang kremin sa dakbayan sa iligan kun asa butang kini nga gipasalamatan usab nila ug daku sa mga sakop sa kapulisan kinsa naningkamot aron pagkab-ot sa maayong dagan sa kahusay ug kalinaw sa dakbayan sa iligan. Nagtoo si Siacor nga usa usab sa nakatabang sa mga otoridad aron makab-ot ang ilang kampanya sa pagpatunhay sa maayong dagan sa seguridad sa dakbayan sa iligan mao ang gipakitang kooperasyon sa katawhan.
| | Virus-free. www.avast.com |
