Davao City – Dili terorismo ang punterya sa gidiklarang Martial Law dinhi sa Mindanao kondili ang mga pundok nga supak sa mga pamalakad sa gobyerno.
Sumala ni Sheena Duazo, Secretary General sa Bagong Alyansang Makabayan (Bayan) Southern Mindanao Region nga gani sa karon, mokabat na sa 47 ka mga kasong pagpatay ngadto sa mga miembro sa progresibong grupo ang ilang nadokumento dinhi lamang sa Habagatang bahin sa Mindanao.
Dungan niini, nanawagan si Duazo nga undangon na ang military operation ug ipull-out ang pwersa sa kasundaluhan gikan sa komunidad sa mga lumad sa kabukiran.
Gibatikos sab ni Duazo si Presidente Rodrigo Duterte sa gi-ingong wala pagtuman sa pangulo sa gipanaad niini nga mga pagbag-o sama na lamang sa repormang agraryo.
Facebook Comments
