Davao City – Dako ang posibilidad nga mas mahatagan og importansya ang sektor sa edukasyon sa tuig 2026 tungod sa kalapad sa sakop niini sa Davao City, subay sa gibutyag ni Konsehal Danny Dayanghirang sa press conference niadtong Martes, Oktubre 28, 2025.
Matod niya, naglakip na ang galastuhon sa maong sektor sa P15.8 bilyon nga budget sa tuig 2026, nga gikan sa lokal nga panggamhanan sa Davao City.
Kini nagpasabot nga mudaghan pa ang mga estudyanteng makabenepisyo sa mga scholarship program nga maggikan sa dakbayan.
Ang maong impormasyon naghatag og paglaom, dili lang sa mga estudyante, apan apil usab sa mga magtutudlo ug sa pagpahimutang sa mga imprastrukturang angay ipatukod.
RadyoMaN Gretchel Egut
Facebook Comments
