Mas de 100 bata na Zamboanga yan Bacuna de Dengvaxia

107

Ya confirma el OIC City Health Officer Dr. Dulce Amor Dagalea Miravite que ta alcanza na 136 mga bata aqui na ciudad de Zamboanga el ya recivi el bacuna de Dengvaxia.

Pero ya aclara si Miravite que na mga privado clinica yan bacuna con el mga bata y hinde na Officina de Salud kay hinde recipient el Zamboanga del Vaccine sale na Department of Health.


Na mismo tiempo ta continua man monitor el DOH con el mga bata quien ya bacuna del dengvaxia y base na diila monitoring nuay man asigun abnormalidad na mga bata.

Porcaosa coneste mucho del mga netizens el ta pidi para identifica con el mga doctor o clinica quien ya rindi el bacuna siendo hinde pa este 100 porciento aprovao.

El conyriversia del Dengvaxia ya reyna despues ya gole que hinde salvao el mencionao bacuna na mga bata que nuay pa tupa el dengue.

Facebook Comments